砂煲装冰沙，蒸笼载雪糕，“美食CP”混搭多花款，传统嘢搭上新滋味！
难得有个小长假，
除咗要大饱眼福，
当然也要一饱口福啦！
今日为大家介绍两间
超有意思嘅小店~
好似白切鸡就要配姜葱咁，
对于大多数老广而言，
砂煲实係拎去整煲仔饭，
或者猛火急攻啫啫万物；
而提及茶杯、蒸笼，
脑海中浮现嘅就梗係
茶楼标配，一盅两件。
但最近竟然有食肆专门
拆散嗮呢啲“官配”，
用砂煲装冰沙，用蒸笼装雪糕，
呢啲不走寻常路嘅“混搭CP”
会有乜惊喜？
Color同你一齐去睇睇！
万物可砂煲
咸口煮物、甜口冰沙，
喺“煲林D煮物屋”呢度，
通通都选择用老广味十足嘅
砂煲作为器皿！
点解谂到咁有创意嘅组合？
主理人melon同阿lam就笑称，
佢哋原本只係为咗“清库存”。
因为佢哋经营嘅“酒瘾咖啡”，
此前推出过“煲仔提拉米苏”，
唔少食客都表示好中意，
于是开呢家新店嘅时候，
干脆沿用呢种器皿做主题。
除咗嗰煲好睇得，
佢哋嘅出品都几得意噶。
主理人来自潮汕，
于是出品自带潮汕风味。
例如汤底会加入金不换同生果，
增加煮物嘅风味，
辣椒酱亦係特别调制过。
咸水梅係一款极具
地方特色嘅潮汕美食，
店里以此推出招牌产品
“潮汕梅子冰沙”，
堆成小山的刨冰下有足料糖水，
上有酸酸甜甜嘅梅子酱，
混合陈皮姜、话梅肉碎碎，
口感同味道十分有层次。
“煲林D煮物屋”虽然喺
开在潮人汇聚的东山口，
但四处都充满一种怀旧气息。
复古的绿漆推拉门、
老式藤条小桌椅、
挂在墙上的红色手写餐牌，
呢啲小细节都让人仿佛回到
儿时放学后会光顾嘅小食档。
店里出品也主要走亲民路线，
主理人话唔想同街坊有距离感。
在记者探店期间，
店里客人络绎不绝，
除咗有专程嚟打卡嘅后生仔女，
也有唔少上年纪嘅叔叔阿姨入嚟食面，
仲有爸爸带住落课嘅囡囡嚟觅食。
煲林D煮物屋
越秀区东华东路市场北街7号
周一至周日 12:00-19:30
甜品店茶楼feel
“一盅两件”唔止茶楼有，
雪糕店都可以有啵！
开在永庆坊嘅“also cab.”，
主打嘅招牌产品“小笼包”
就係用特别定制嘅可爱蒸笼，
载住雪糕球以及甜甜圈，
造型中西结合，十分过瘾。
另一款热卖产品“功夫豆腐”，
则係用功夫茶杯
装雪糕加嫩豆腐咁嫩的椰子冻，
表面铺上满满一层椰子脆片，
软嫩同香脆在口腔里打“组合拳”。
唔中意太甜嘅朋友仔，
仲可以淋上咖啡液搭配食用。
店内的雪糕有分
意式冰淇淋Gelata同雪葩，
从size到口味都可以自由搭配，
单球、双球、糯米糍Gelato嘅
容器造型都唔一样，各有各可爱。
顾客仲有个“福利”，
所有容器都可以带走哦！
“also cab.”的主理人之一
“橙先生”係土生土长嘅广州人，
佢介绍话，
“also cab.”其实
係由湛江开到嚟广州嘅。
广州分店选择开喺恩宁路，
因为呢个係佢自细长大嘅地方
特别有感情。
作为一间开在骑楼下嘅雪糕店，
其装修风格保留咗西关味道，
门口的趟栊门就好有西关风情。
店内空间虽小，
胜在搭配温馨，
主理人原创嘅logo人仔
随处可见。
also cab.
荔湾区恩宁路204号
周一至周日 12:00-20:00
MORE
今日娱乐看点
《重阳奇妙游》今晚上演
“爆款文化节目输出机”
河南卫视又出动！
除咗有周笔畅、胡夏等艺人助阵，
仲有多位舞蹈、戏曲名家亮相。
陈慧娴隔空对唱《千千阙歌》
《我们的歌4》现场，
陈慧娴再次演唱《千千阙歌》，
大屏幕上播放嘅係1989年
佢在告别演唱会上嘅表演，
2022年的陈慧娴
与1989年的自己隔空对唱，
光阴的故事勾起无数人的回忆～
袁姗姗扮“红娘”
在《最美中国戏2》中，
袁姗姗创意演绎《西厢记》，
机智助攻张生和崔莺莺嘅
侍女红娘造型俏皮可爱。
资料来源：694期《可乐生活》编辑：陈祉伶
审核：曾敏妍
